మార్చాలలో కాంగ్రెస్ సర్పంచ్ అభ్యర్థిగా జి. భారతమ్మ నామినేషన్
కల్వకుర్తి, నవంబరు 29 (మనఊరు ప్రతినిధి): మండలంలోని మార్చాల గ్రామపంచాయతీ సర్పంచ్ గా కాంగ్రెస్ పార్టీ అభ్యర్థి జి. భారతమ్మ అంగరంగ వైభవంగా నామినేషన్ దాఖలు చేశారు. గ్రామంలోని ప్రధాన వీధుల గుండా భారీ ర్యాలీగా ఏర్పాటు చేసిన ప్రదర్శన ఎన్నికల గ్రామ వాతావరణాన్ని మరింత సందడిగా మార్చింది. తన నామినేషన్ అనంతరం మాట్లాడిన జి. భారతమ్మ మాట్లాడుతూ రాష్ట్రంలో సీఎం రేవంత్ రెడ్డి అధికారంలోకి వచ్చిన తర్వాత మహిళల కోసం పలు అభివృద్ధి–సంక్షేమ కార్యక్రమాలు అమలు అవుతున్నాయి. కల్వకుర్తి ఎమ్మెల్యే కసిరెడ్డి నారాయణరెడ్డి గారి అండదండలతో పోటీ చేస్తున్నాను. గ్రామ ప్రజల ఆశీర్వాదంతో భారీ మెజార్టీతో గెలుస్తానని నమ్మకంగా ఉన్నాను అన్నారు. కాంగ్రెస్ పార్టీ నాయకులు, కార్యకర్తలు, అభిమానులు, గ్రామస్తులు పెద్ద సంఖ్యలో పాల్గొని అభ్యర్థిని అభినందించారు. అనంతరం ర్యాలీ రిటర్నింగ్ అధికారి కార్యాలయానికి చేరుకుని నామినేషన్ పత్రాలను సమర్పించడం జరిగింది.