రైతు కూతురు సుప్రియ సత్తా చాటింది
బైపీసీలో 990 మార్కులతో సుప్రియ విజయగాథ
గురుకుల విద్యార్థిని ఘన విజయం
బైపీసీలో 990 మార్కులు
పట్టుదలకి నిదర్శనం 990 మార్కులతో సుప్రియ విజయం
నందారం గ్రామానికి గర్వకారణం
990 మార్కులతో సుప్రియ
బాలానగర్, ఏప్రిల్ 12 (మన ఊరు ప్రతినిధి): మహబూబ్నగర్ జిల్లా జడ్చర్ల మండలంవల చిట్టిబోయినపల్లిలోని జూనియర్ కళాశావలో ఇంటర్మీడియట్ ఫలితాల్లో బాలానగర్ మండలంలోని నందారం గ్రామానికి చెందిన సుప్రియ బైపీసీలు 990 మార్కులు సాధించింది. మండలంలోని నందారం గ్రామానికి చెందిన గోద రాజుకుమార్, గోద సునితల కుమార్తె అయిన సుప్రియ సాధారణ రైతు కుటుంబానికి చెందినప్పటికీ తన కృషి, పట్టుదలతో అద్భుత ఫలితాన్ని అందుకుంది. వ్యవసాయం ద్వారా కుటుంబాన్ని పోషిస్తున్న తల్లిదండ్రుల కష్టాన్ని గుర్తించి, చదువులో అంకితభావంతో శ్రమించిన సుప్రియ ఈ విజయాన్ని సాధించడం విశేషంగా నిలిచింది. గురుకుల పాఠశాలలో ఉపాధ్యాయుల మార్గదర్శకత్వం, తల్లిదండ్రుల ప్రోత్సాహం, తన నిరంతర కృషి ఈ ఫలితానికి కారణమని సుప్రియ తెలిపింది. ఈ సందర్భంగా సుప్రియ మాట్లాడుతూ లక్ష్యంతో చదివితే ఏ పరిస్థితుల్లోనైనా విజయం సాధించవచ్చు అని పేర్కొంది. భవిష్యత్తులో వైద్య రంగంలో ప్రవేశించి సమాజానికి సేవ చేయాలన్న తన ఆశయాన్ని వెల్లడించింది. సుప్రియ విజయంపై పాఠశాల ప్రిన్సిపాల్, ఉపాధ్యాయులు, గ్రామస్థులు హర్షం వ్యక్తం చేస్తూ అభినందనలు తెలిపారు. సాధారణ రైతు కుటుంబం నుంచి వచ్చి ఉన్నత మార్కులు సాధించడం ద్వారా సుప్రియ ఇతర విద్యార్థులకు ఆదర్శంగా నిలిచింది.
