సమగ్ర వ్యాధి నిర్ధారణ పరీక్షల శిబిరం

 సమగ్ర వ్యాధి నిర్ధారణ పరీక్షల శిబిరం

మంగనూరు గ్రామంలో సమగ్ర ఆరోగ్య శిబిరం విజయవంతం

 లట్టుపల్లి ప్రాథమిక ఆరోగ్య కేంద్రం వైద్యాధికారి డాక్టర్ టి. ప్రసన్న

బిజినపల్లి, జూలై 3 (మనఊరు ప్రతినిధి): మండల పరిధిలోని లట్టుపల్లి ప్రాథమిక ఆరోగ్య కేంద్రం ద్వారా గురువారం మంగనూరు జిల్లా పరిషత్ ఉన్నత పాఠశాల ఆవరణలో లట్టుపల్లి ప్రాథమిక ఆరోగ్య కేంద్రం వైద్యాధికారి డాక్టర్ టి. ప్రసన్న సమగ్ర వ్యాధి నిర్ధారణ పరీక్షల శిబిరాన్ని ప్రారంభించారు. ఈ సందర్భంగా ఆమె మాట్లాడుతూ ప్రతి ఒక్కరు తమ ఆరోగ్య స్థితిని సమగ్ర వ్యాధి నిర్ధారణ పరీక్షలు చేసుకోవడం ద్వారా తెలుసుకోవాలనే ప్రధాన ఉద్దేశంతో జిల్లాలోని అన్ని ప్రాథమిక ఆరోగ్య కేంద్రాలలో ఈరోజు నుంచి నిర్వహిస్తున్నామని తెలియజేశారు. ఈరోజు ఈ ఆరోగ్య శిబిరంలో 142 మందికి 7 రకాల పరీక్షలు రక్తపోటు మధుమేహ , పరీక్షలతో పాటుగా టీబి కళ్ళే, ఎక్స్రేరే, హిమోగ్లోబిన్, సుఖ వ్యాధులైన హెచ్ఐవి, సిఫిలిస్, హెపటైటిస్ -బి హెపటైటిస్ -సి వ్యాధి నిర్ధారణ రక్త పరీక్షలు నిర్వహించారు. అనంతరం దీర్ఘకాలిక వ్యాధి గ్రస్తులకు మందులు పంపిణీ చిరు వ్యాధిగ్రస్తులకు ఆరోగ్య అవగాహన, మందులు అందజేశారు. ఈ పరీక్షల ద్వారా వారి ఆరోగ్యస్తాయి తెలుస్తుందని, కావున ప్రజలు ఈ అవకాశాన్ని సద్వినియోగం చేసుకోవాలనీ గ్రామ ప్రజలను కోరారు. ఈ కార్యక్రమంలో నాగర్ కర్నూల్ జిల్లా దిశా మేనేజర్ రమేష్ రాజ్ కుమార్, ల్యాబ్ టెక్నీషియన్ చంద్రశేఖర్, ఆరోగ్య కార్యకర్తలు అబ్దుల్ సలీం, పి.జ్యోతి, ఆశా కార్యకర్తలు శారద, కృష్ణవేణి, పద్మ, బాలమణి, అనిత, నాగమ్మ, గ్రామస్తులు పాల్గొన్నారు.