పట్టణ పద్మశాలి సంఘం అధ్యక్షులుగా రాజేందర్
కల్వకుర్తి, ఆగస్టు 8 (మనఊరు ప్రతినిధి): పట్టణ శ్రీమార్కండేయ పద్మశాలి సంఘం అధ్యక్షులుగా మేకల రాజేందర్ ను శుక్రవారం పద్మశాలి భవనంలో ఎన్నికల అధికారులు భావండ్ల వెంకటేష్, మేకల వెంకటేశం , భావాండ్ల శ్రీను , క్యామమల్లేష్, పున్న సురేష్ ల ఆధ్వర్యంలో ప్రధాన కార్యదర్శిగా మాకం రమేష్, కోశాధికారిగా గంజి ప్రసాద్ లను ఏకగ్రీవంగా ఎన్నుకోవడం జరిగింది. ఈ సందర్భంగా నూతన అధ్యక్షులు మేకల రాజేందర్ మాట్లాడుతూ పద్మశాలిలు ఐక్యతతో సమాజానికి ఆదర్శంగా ఉండాలని, ఉన్నత పదవులు చేపట్టాలని, సంఘం అభివృద్ధికి బాటలు వేయాలని అన్నారు. పద్మశాలి సమాజానికి అవసరం పడే విధంగా పనిచేస్తానని, రాజకీయాలకతీతంగా అందరూ సహకరించాలని కోరారు. ఈ కార్యక్రమంలో కల్వకుర్తి పట్టణ మాజీ అధ్యక్షులు నాగుల వెంకటేశ్వర్లు, భావండ్ల మధు, ప్రస్తుత ఉత్సవ కమిటీ కన్వీనర్ గుజ్జరి శ్రీను, కో కన్వీనర్ మాకం నారాయణ, పెద్దలు గంజి మురళి, ముత్యాలు, సంఘం సభ్యులు, తదితరులు పాల్గొన్నారు.