భారీ వర్షానికి నేలమట్టమైన ఇళ్లు
జడ్చర్ల రూరల్, ఆగస్టు 17 (మనఊరు ప్రతినిధి): మండలంలోని గంగాపూర్ లో శనివారం అర్ధ రాత్రి సమయంలో కురిసిన భారీ వర్షానికి ఓ ఇల్లు నేలమట్టమైంది. ఆ సమయంలో ఇంట్లో ఎవరూ లేకపోవడంతో పెను ప్రమాదం తప్పింది. కురిసిన భారీ వర్షానికి ఓ పేద కుటుంబం ఆశ్రయాన్ని కోల్పోయింది. ఆ కుటుంబాన్ని ప్రభుత్వం ఆదుకోవాలని వేడుకొంటుంది. ఇంటి యజమానురాలు రానామని సత్యమ్మ, సత్తయ్య, అలా కుటుంబ సభ్యులందరూ ఇంట్లో నిద్రిస్తుంటే. అకస్మాత్తుగా ఇళ్లు కూలిపోవడంతో కుటుంబ సభ్యులు భయపడి, బయటికి పరుగులు తీశారు. కుటుంబ సభ్యులు ఊపిరి పీల్చుకున్నారు. వర్షం కారణంగా ఈ కుటుంబం ఆశ్రయాన్ని కోల్పోయింది. ఆహారదినుసులు వర్షానికి పాడైపోయాయి. అన్ని విధాలుగా నష్టపోయారు. ప్రభుత్వ సహాయం కోసం ఎదురు చూస్తున్నారు. ప్రభుత్వం ఆదుకోవాలని కోరారు. అలాగే ఇందిరమ్మ ఇళ్లు మంజూరు చేసి ఆదుకోవాలని ఎమ్మెల్యే అనిరుధ్ రెడ్డిని కోరారు.