గౌతపూర్లో ఘనంగా ముక్కోటి ఏకాదశి వేడుకలు
ఎమ్మెల్యే అనిరుద్ రెడ్డిని ఆహ్వానించిన ఆధ్యాత్మిక జ్ఞాని శ్రీశ్రీశ్రీ హరి బాలానంద దాసు
బాలానగర్, డిసెంబర్ 29 (మనఊరు ప్రతినిధి): మండల పరిధిలోని గౌతపూర్ గ్రామంలో శ్రీ విజయ లక్ష్మీ నరసింహస్వామి దేవాలయం వద్ద ముక్కోటి ఏకాదశి వేడుకలను ఘనంగా నిర్వహించనున్నారు. ఈ కార్యక్రమాన్ని ఆధ్యాత్మిక జ్ఞాని శ్రీశ్రీశ్రీ హరి బాలానంద దాసు ఆధ్వర్యంలో నిర్వహించనున్నట్లు నిర్వాహకులు తెలిపారు. ఈ వేడుకలలో భాగంగా డిసెంబర్ 29, సోమవారం ఉదయం 5 గంటలకు సహస్ర పాల పాత్ర పుష్కలాభిషేకం, ఉదయం 11 గంటలకు శ్రీ లక్ష్మీనరసింహస్వామి సహస్రనామ జప యజ్ఞం, మధ్యాహ్నం 1:30 గంటలకు అన్నదానం, మధ్యాహ్నం 3 గంటలకు గరుడ వాహన సేవ, రాత్రి 8 గంటలకు భజన కార్యక్రమం నిర్వహించనున్నారు. అలాగే డిసెంబర్ 30, మంగళవారం ఉదయం 5 గంటలకు అభిషేకం, ఉదయం 11 గంటలకు స్వామివారి కళ్యాణం, మధ్యాహ్నం 1:30 గంటలకు అన్నదానం, రాత్రి 8 గంటలకు రథోత్సవం ఘనంగా జరుగనున్నట్లు తెలిపారు. ఈ ముక్కోటి ఏకాదశి మహోత్సవాలకు ముఖ్య అతిథిగా జడ్చర్ల ఎమ్మెల్యే అనిరుద్ రెడ్డి గారిని ఆహ్వానించినట్లు గోపులాపూర్ మాజీ సర్పంచ్ టి. చెన్నయ్య, బాలానగర్ మండల కాంగ్రెస్ నాయకులు తెలిపారు. ఈ సందర్భంగా ఎమ్మెల్యేకు ఆహ్వాన పత్రాన్ని అందజేశారు. ఈ కార్యక్రమంలో భక్తులు అధిక సంఖ్యలో పాల్గొని ముక్కోటి ఏకాదశి వేడుకలను విజయవంతం చేయాలని బాలానగర్ మండల కాంగ్రెస్ సీనియర్ నాయకులు, జడ్చర్ల కాంగ్రెస్ సీనియర్ నాయకులు, జడ్చర్ల మండలంలోని గోపులాపూర్ మాజీ సర్పంచ్ టి. చెన్నయ్య కోరారు.