సావిత్రిబాయి పూలే ఆశయాలకు అద్దం జ్ఞానఖడ్గం
195వ జయంతి సందర్భంగా మహిళా చైతన్య గీతం ఆవిష్కరణ
జడ్చర్ల, జనవరి 9 (మనఊరు ప్రతినిధి): పట్టణంలో సావిత్రిబాయి పూలే 195వ జయంతిని పురస్కరించుకుని సావిత్రిబాయి పూలే ఫౌండేషన్ ఆధ్వర్యంలో రూపొందించిన మహిళా చైతన్య గీతం **‘జ్ఞానఖడ్గం’**ను మాజీ మంత్రి వర్యులు డా. సి. లక్ష్మారెడ్డి ఘనంగా ఆవిష్కరించారు. ఈ సందర్భంగా ఆయన మాట్లాడుతూ మహిళా విద్య, సామాజిక సమానత్వం కోసం జీవితాంతం పోరాడిన సావిత్రిబాయి పూలే ఆశయాలు నేటి తరానికి మార్గదర్శకమని పేర్కొన్నారు. మహిళలలో చైతన్యం, ఆత్మవిశ్వాసాన్ని పెంపొందించేందుకు ఇలాంటి సృజనాత్మక ప్రయత్నాలు ఎంతో అవసరమని అన్నారు. జ్ఞానఖడ్గం గీతం ద్వారా మహిళలు జ్ఞానాన్ని ఆయుధంగా చేసుకుని అన్యాయాలపై పోరాడే శక్తిని పొందుతారని తెలిపారు. సావిత్రిబాయి పూలే ఫౌండేషన్ చేస్తున్న సేవలు సమాజానికి ఆదర్శంగా నిలుస్తున్నాయని అభినందించారు. కార్యక్రమంలో ఫౌండేషన్ ప్రతినిధులు, మహిళా సంఘాల నాయకులు, విద్యార్థినులు పెద్ద సంఖ్యలో పాల్గొని సావిత్రిబాయి పూలేకు ఘన నివాళులు అర్పించారు.
