అగ్ని ప్రమాదానికి గురైన కుటుంబానికి ఆర్థిక సహాయం అందజేసిన సర్పంచ్ యాదయ్య

 వంగూరులో అగ్ని ప్రమాద బాధిత కుటుంబానికి సర్పంచ్ యాదయ్య ఆర్థిక సాయం

వంగూరులో అగ్ని ప్రమాదం

 ఎస్సీ కుటుంబానికి చెందిన ఫర్నిచర్ ఇల్లు పూర్తిగా దగ్ధం

రూ.10 లక్షల ఆస్తి నష్టం 

 గ్రామ సర్పంచ్ వెల్లడి

అగ్ని ప్రమాదానికి గురైన కుటుంబానికి ఆర్థిక సహాయం అందజేసిన సర్పంచ్ యాదయ్య 

వంగూరు, జనవరి 18 (మనఊరు ప్రతినిధి): వంగూరు మండలంలో శనివారం ఉదయం చోటు చేసుకున్న అగ్ని ప్రమాదంలో ఎస్సీ కుటుంబానికి చెందిన ఫర్నిచర్ ఇల్లు పూర్తిగా కాలిపోయింది. ఈ ప్రమాదంలో ఇంట్లో ఉన్న ఫర్నిచర్ సామగ్రి, గృహోపకరణాలు సహా మొత్తం ఆస్తి అగ్నికి ఆహుతయ్యాయి. ఈ ఘటనలో సుమారు రూ.10 లక్షల వరకు నష్టం జరిగినట్లు గ్రామ సర్పంచ్ యాదయ్య తెలిపారు. ప్రమాదానికి గల కారణాలు ఇంకా తెలియాల్సి ఉండగా, సమాచారం అందుకున్న వెంటనే గ్రామస్థులు సంఘటనా స్థలానికి చేరుకుని మంటలను అదుపు చేసే ప్రయత్నం చేశారు. అయితే అప్పటికే మంటలు తీవ్రంగా వ్యాపించడంతో ఇల్లు పూర్తిగా దగ్ధమైంది. బాధిత కుటుంబం ఆర్థికంగా తీవ్రంగా నష్టపోయిందని, ప్రభుత్వం తక్షణమే స్పందించి నష్టపరిహారం అందించాలని సర్పంచ్ కోరారు. ఈ ఘటనపై అధికారులకు సమాచారం అందించినట్లు, బాధిత కుటుంబానికి గ్రామపంచాయతీ తరఫున సహాయ చర్యలు చేపడతామని ఆయన తెలిపారు. అగ్ని ప్రమాదం కారణంగా బాధిత కుటుంబం తీవ్ర ఆర్థిక ఇబ్బందుల్లో పడిందని, మానవతా దృక్పథంతో గ్రామపంచాయతీ తరఫున తక్షణ సహాయంగా నగదు అందజేశామని సర్పంచ్ యాదయ్య తెలిపారు. అలాగే ప్రభుత్వం నుంచి కూడా తగిన నష్టపరిహారం అందేలా చర్యలు తీసుకుంటామని ఆయన హామీ ఇచ్చారు. ఈ కార్యక్రమంలో గ్రామ పెద్దలు, స్థానిక నాయకులు, గ్రామస్తులు పాల్గొని బాధిత కుటుంబానికి సంఘీభావం తెలిపారు.